حساسيه الالبان
وفاء سليمان محمد
حساسيه بيروتين اللين هو خلل في جهاز المناعة فيعتبر اللبن مرض فيهاجمه
سببه وراثي (علي اغلب الظن مازالت الدكاترة مش عارفين السبب الاكيد) مش لازم الاب والام ممكن تكون من جدود الجدود ومش لازم حساسية لبن ممكن تبقي حساسيات مختلفة
اكل الام في الحمل ملوش اي علاقة
☝️ الاعراض
(جهاز هضمي)
اسهال او امساك مبيخفش.. انتفاخات.. مغص مستمر.. التهاب مكان الحفاض مبيتعالجش.. ترجيع.. ارتجاع مستمر.. رفض للرضاعة.. عدم زيادة الوززززززززن… صريخ غير مبرر… قلة نووووم
مخاط في الاستول الاستول لونه غامق قوي او اسود ومبتديش حديد
البراز ريحته حامضية او شبه الخل او وجود دم في البراز لون الاستول زيتي غامق
(جهاز تنفسي)
خنفرة.. رشح.. تزييق الصدر.. ازمات صدرية في الحالات القصوي صدمة تحسسية بتعمل ضيق في القصبه الهوائية.. تورم في البلعوم.. الإحساس بالاختناق و ضيق التنفس.. و هبوط في ضغط الدم
(جلدي)
اكزيما طفح بطش سفحات علي الخدين.. حبوب حول الفم او في الوجه او منتشرة في الجسم
الطفل بيفرك كتير جدااا في انفه وعينيه
(ملاحظات مهمة)
1_ ممكن تظهر عدة اعراض او ممكن عرض واحد فقط تختلف من حالة لاخري
2_ كل مصاب الحساسية هي حالة بذاتها باعراض مختلفة ومنفصلة عن باقي الحالات
فمينفعش نقارن حالة بحالة تانية ابداااااا
3_ انتي الوحيييدة اللي هتقدري تحسي ابنك طبيعي ولا فيه شيئ مش مظبوط مع ملاحظته
4_احنا بنتكلم عن اعراض دائمة او متكررة (يعني مش معني طفل انه جاله اسهال يومين بقي حساسية نعمل تحليييييل وندي علاج الطفل مبيستجبش او بتتكرر والتحاليل مظبوطه هنا نبتدي نشك فنروووووح لدكتووووووور فاااااااااااااااهم)
التشخيص
تروحي لدكتور بيفهم في الحساسية يقدر يشخص ويعالج وللاسف دول قليلين جدااااا وفيه كتيييير مسمعوش عنها اصلا
الام تعمل تحاليل ستول للطفل
(stool analysis_ مزرعة_ occult blo od_PH_ reducing sugar)
تحليل ocult blood دا تحليل للاستول لو موجب يبقي فيه حساسية احتمال كبير لكن لو سالب دا مش معناه ان مفيش حساسية
(اززززاي افهمك)
التحليل دا معناه ان فيه التهاب في المعدة والامعاء وصل لمرحلة النزف وبقي الد_م بيتهضم مع الاكل فبمنتهي البساطة ممكن تبقي فيه حساسية وفيه التهاب في الامعاء بس موصلش لمرحلة النزف مش اكتر
تحليل د_م بيطلبه الدكتور في بعض الحالات
تحليل الد_م بس مينفعش للاطفال اقل من ست شهور ومبيكنش دقيق لاطفال دون السنة (الا لو الدكتور شايف ان الطفل محتاج يعمله ) يعني ممكن يبقي سلبي وفيه حساسية وممكن يديني نسب قليلة والحساسية تبقي شدييييييدة
الحل
مقدمناش غير اننا نعمل زي الدول المحترمة المتقدمة ونعتمد علي ال(food challenge)
ودا معناه تحدي الطعام او الاختبار بالطعام ودا اصدق حاجة فلما هشك في حساسية الالبان …….بسيطة…… همنع الالبان ومنتجاتها ست اسابيع (دي الفترة اللي بيحتاجها الجسم عشان يخرج بروتين اللبن) عن اكلي لو برضع طبيعي وهمنعله هو كمان لو ابتدي ياكل او هغير اللبن للبن المجهز لاطفال الحساسيات لو الطفل بيرضع صناعي
الطفل اتحسن يبقي اكيييد حساسية
عاوزة اتاكد اكتر ادخل الالبان تاني لو تعب تاني يبقي اكييييييييد حساسية ولازم تروحي لدكتور متخصص
علاجها
بمنتهي البساطة همنع الالبان ومنتجاتها واي حاجة داخلها بروتين اللبن لحد اما جهاز المناعة ينسي البروتين ودا محتاج سنة كاااملة للمنع وبعدها بندخل اللبن تحت اشراف طبي وبجرعات محددة وان شاء الله بيكون الطفل خف
المدة قد تكون اقل وقد تطول بحسب درجة الحساسية والالتزام بالمنع
السؤال_المعروف والمكرر بكل اسف
طب انا لو ممنعتش وفضل ياخد لبن و زبادي ايه اللي هيجري يعني ؟؟؟؟؟
(وهنا بكل اسف ومرارة والم اضطر اجاااااااوب)
1_ الطفل احتمال كبير يفضل طوووووول حياته يعاني من الحساسية وميخفش يعني هيعاني العمر كله بسبب تهاونك
2_تتطور الحساسية للاشد في الجهاز الواحد يعني مثلا لو بيعاني من الاسهال بدل ما كان بيعمله سايل بس هيوصل لمرحلة المية وبدل ما كان تلت اربع مرات بقي بالعشرة ومن كتر الاسهال ييجي عوز لاكتوز الحالة تسوء نخش في التهاب امعاء ونزيف تسوء ويحصل تآكل في الاهداب للمرئ و ندخل ان الامعاء ممكن تتهري لدرجة انها تسرب بروتين اللبن في الجسم ودا بيعمل اعراض توحد
في الجهاز التنفسي تبتدي بخنفرة وتسوء لحد اما توصل لحساسية صدر وانف وهكذا
3_تتطور الحساسية وممكن تبتدي تصيب اجهزة اخري في الجسم يعني بدل ما كان اسهال بس بقي اسهال شديد وبعدها بقي خنفرة وبعدها بقي صدره يقفل وعاوز جلسات تبخير وممكن تلاقي وشه وارم وعينيه محمرة وبعدها تلاقي بقي يجيله طفح ولا حبوب وهكذا
4_ الطفل الحساسية هتعمله سوء امتصاص بعد فترة ممكن توصل لفشل في النمو وما يترتب عليه من امراض
5_لو ممنعتش دا ممكن يسبب اجهاد لجهاز المناعة وممكن يبتدي يهاجم اطعمه اخري فتبقي حساسيات متعددة يعنى من حساسية لبن بس لحساسية لبن وقمح وبيض وحاجات تانية كتير
لعلاج سهل وبسسسسسسسسسييييط مجرد منع سنة
