أدب

أناشيد نبوية

 أناشيد نبوية

 الزجال حج هلال

 

مليون صلاة على نبينا
محمد الهادي هادينا
وبالقرآن وبالسنة
للجنة ياخد بإيدينا
في كل حاجة يعلمنا
أمور كتيرة بتنفعنا
مليون صلاة على نبينا
دين الإسلام بيربينا
أخلاق جميلة بترفعنا
على التوحيد ويجمعنا
والوحدة فيه تقوينا
وفي الصلاة بيزكينا
والنية طاهره توضينا
مليون صلاة على نبينا
صيام نقوم ونتسحر
وفي السحور بنستغفر
صدقة وزكاة ونتطهر
رحم وقرايب نتذكر
سيدنا ونبينا موصينا
والحج يغسل بلاوينا
والعمرة نحرم ونكبر
يوعدنا ربي ويهدينا
مليون صلاة على نبينا
وفي البيوت بيورينا
معاملة الزوجة نبينا
ويا الجيران بيعلمنا
إزاي نعيش مع أهالينا
وفي التجارة يفهمنا
إزاي نعامل بعضينا
مليون صلاة على نبينا
هو مرشدنا و حبيبنا
رسولنا قام وخد إيدنا
ينقذنا م النار يبعدنا
للجنة ياخد ب إيدينا
وربنا يرضى علينا
مليون صلاة على نبينا
محمد الهادي هادينا

مقالات ذات صلة

شاهد أيضاً
إغلاق
زر الذهاب إلى الأعلى