أدب

الإعجوبة

الإعجوبة

حاج هلال

 

طفل الطوبة بقى إعجوبة
وليه الدنيا عليه مقلوبة
كتب وقال اشهد ياتاريخ
الطوبة صبحت. صواريخ
كل سلاحه كان بالنبلة
يحمي الأقصى أول قبلة
إبن الناس الجبارين
إبن القدس وفلسطين
كاسر نفس المحتلين
طفل الطوبة والإعجوبة
صحى العالم كشف الظالم
واحنا صحينا من الغيبوبة
صحصح الأمة المنكوبة
وخلانا نلعب ف الأمبوبة
ونعملها شغلة وسبوبة
زي البقرة تكون محلوبة
ز الأفلام هابطه زمضروبة
يخلوا فيها عنتر عبلة
وشيبوب يخلوه شيبوبة
واللى واخدها خدعة ولعبة
ماشي بيضحك عالمحبوبة
وراكب فوق ومدلدل رجله
وازاي يركب فوقها ويضرب
عاوز يخلي عنتر عبلة
هي اللعبة أكيد ملعوبة
شوفتش فلم الكلب وزوبة
والنشال والناس مصلوبة
وعريس والنصبه منصوبة
والعروسة عنيها معصوبة
والأعجوبه طفل الطوبة
منه الدنيا ياناس مرعوبة
بزلطة ونبلة يحمي القبلة
ويمنع قدس تكون مغلوبة
وف دمه القصة مكتوبة
ولا يمكن هاتكون مشطوبة
وطوفان أقصى و طفل القصة
عملوا له وقفة ومنصة
كتب وقال اشهد ياتاريخ
خلى الطوبة بقت صوارخ
والأعجوبه طفل الطوبة
لسه الدنيا عليه مقلوبة
….. 

مقالات ذات صلة

شاهد أيضاً
إغلاق
زر الذهاب إلى الأعلى