يا ليل
يا ليل
كلمات هلال البنا
يا ليل صبرك عشان خاطري
وللا مافيش عندك خاطر
خايف منك تفوت بدري
وصابر وياك للآخر
أنا سهران معاك دغري
ناسيني ليه ومش فاكر
من صغري كده فقري
وعامل شاطر و واعي
ساند عالحيط ومش بجري
و بالعافيه وبدراعي
حيطه ومايله على ضهري
و الخيبه عيبه ٱه ياني
دوكه وزيطه فيها خيله
وجعتوا راسنه ليل ونهار
صبرك يا ليل عشان خاطري
منك بلاش الإستهتار
مليت يا ليل ونفد صبري
رزاله منك كده وهزار
فنيتوا عمري وراح مني
عالفاضي ضايع والسوق بار
الغدر شين وضيق صدري
زي ماكون بالع مسمار
ليه سمعوني كلام مغري
وتاهت فين مني الأفكار
شارد وفكري طال قهري
ومنك لله القهار
و أمري له عالم سري
ستار و يقبل للأعذار
عالم بضعفي وذل مري
وقادر يطفي فيا النار
م اللي أذاني ووداني
وخلاني اعاني ذل و مرار
خسران قماره وانا مالي
وعمري بيه في الخير بار
و الخايب خيبته جابهالي
والبيت خراب وكان عامر
صبرك يا ليل عشان خاطري
وللا مافيش عندك خاطر
خايف يا ليل ينفد صبري
وانا صبري وياك للآخر
يا ليل
بقلمي هلال البنا
