فطيره الطاسه السريعه

متابعة /آيات سيد

المقادير

لفه جلاش

خليط التوريق
نص كوب سمنه او زبده سايحه
زبادي
نص كوب لبن دافيئ
قشطه او وش اللبن

الحشو
كاستر او اي حشو تفضليه
مكسرات حسب الرغبه

الطريقه

ف بوله هضيف السمنه طبعا سايحه واللبن دافيئ والقشطه والزبادي واقلب المكونات كلها مع بعض لحد ما الخليط يتجانس.

افردي ورقتين جلاش علي بعض واقسميهم نصين واقسمين النصين نصين تاني يعني ورقه خليها ٤ مربعات
حطي بقي ورقة جلاش مفروده وادهني الورقه بخليط التوريقة اللي عملناه وعليها افردي ورقة تانيه وفي النص بس ادهني من خلطه التوريقة وعليها قطعه من الجلاش اللي قطعناه مربعات وعليه حطي الكاستر وقفلي بقي الفطيره وادهنيها بالخليط التوريق

وع طاسه ساخنه فيها زيت ع زبده.
هضيف الفطيره ع الجهه الللي فيها الطرف عشان تقفل
ويادوبك يحمر الوجهه مبياخدش دقيقه وياخد اللون
بعد ماتخلصي الكميه
ممكن تحطي عليها سكر بودر او عسل او لبن سخن محلي
وبالف هنا