صراحتك جرحتني

صراحتك جرحتني

صراحتك جرحتنى 

    بقلم  صفيه نصار

 

صراحتك جرحتني
صراحتك جرحتني

كل شويه عيني على التليفون
بستنى منك رنه بشوق مجنون
ولو هستناك العمر بطوله
علشان خاطرك كله يهون

وأخيرا سمعت الرنه
فرحت وقولت لقلبي اتهنى
حبيبك افتكرك وبيسال
صوته لحن ولا كروان غنى

ولسه هاقوله كنت واحشني
والبعد كان عنك حايشني
تعالى يلآ نعيش الحب
وفي حضن عينيك عيشني

لقيته بيتأسف لي كتير
قولت يمكن على التأخير
اتاريه بيعتذرطلب النمره غلط
وانا إللي كنت من فرحتي هاطير

ياريتك قولتها لي بالكدب
ان البعد عني كان صعب
حبيبي صراحتك جرحتني واعتذارك كان هو الذنب