شعب جميل

شعب جميل

كلمات / فهمى حجازى 

شعب جميل قلبه. كبير
بس ساعات من غير تفكير
شعب مشاعره سابقه إرادته
ودايما يغفل في التدبير
لو مين ظلمه أو يوم فرمه
بينسا ف لحظة ويدورله على التبرير
بعد ماطالب بالتغير
يرجع يجري خلف مشاعر ه
أصل. الشعب بينسا كتير
شعب أصيل يغفر لما بيسمع كلمة تسره
ويرجع يمدح في اللي أزاه بعد ماجرحه بجرح خطير
شعب مسالم نفسه يلاقي الخير بالخير
نفسه يعيش ويلاقي اللقمة زي الطير
يسرح بدري في الفجريه ويرجع بعد ظلام الليل
شايل لقمته متحنيه بستر وعفه وربه عليه كل التدبير
نفسه يلاقي العيشه هنية وهو عليه جهد وتفكير
ولما يروح يلقى حيطانه حميا عياله ونفسه وزوجته يبات على خير
حلم الشعب الشاكر فاضله وحامد ربه حتى ولو كان فارشه حصير