عيد على اهلك

راوية حسن
مهما كنت قريب ولابعيد
اياك يفوتك يوم العيد
عيد على اهلك وناسك
وتشوف اخوانك وقرايبك
والحب بينكم اكيد هايزيد
وهى فرصه ليهم تتقرب
وتكون انت ليهم الأقرب
وبلاش بعاد وبلاش عناد
سؤالك عنهم هو الأصوب
خليك صبور خليك حليم
وبلاش تكون سعات لئيم
مع اهلك ياريت قلبك كبير
زى الدوا زى النسيم
دايما تداوى زى الطبيب
خليك معاهم وبلاش تغيب
اهلك وناسك بيحبوك
تداوى جروح القلب تطيب
فى العيد تعيد عليهم
لو حتى تبوس أيديهم
انت اكيد اللى هاتكسب
وده مش كتير عليهم
ربنا وصانا بالارحام
وتكون علاقتنا بيهم تمام
دايما نلاطفهم ونحايلهم
يارب ابعدنا عن اللئام
ياللى انت ليك بيت وعيال
اهلك محتاجين للسؤال
دايما تكون فاكرهم
ودايما يكونوا هم ع البال
اسال عن العم والخال
والاخ كمان والاخت معاه
وتكون معاهم طويل البال
ربك يحاسب كل عنيد
عن وصل اهله وطريقه يحيد
والبركه تبعد عن بيته
لو حتى كل يوم عنده عيد
هم السند وهم العيله
حاول ترضيهم دى وسيله
وتكون معاهم عل المره
هايشيلوا وياك يوم الشيله
اياك تنسى ابوك وامك
دول ياما شالوا كتير همك
كانت راحتهم من راحتك
ولا غيرهم ابدا هايهمك
ياماسهروا عليك ليالى طوال
ياريت يكونوا دايما ع البال
لاتقولى بيتك ولاعيال
هم الأهم فى السؤال
وان رضيوا يوم هم عليك
الخير هايكتر بين ايديك
وتحل عليك بركاتهم
اياك تنسى يوم والديك
وان راحوا ابقى ادعيلهم
واطلب من ربك يرحمهم
وفى جنته يبقى مكانهم
ودعوه ليهم بالرحمه
وصدقه جاريه على روحهم
ازاى تعيد من غيرهم
اشبع من بركة خيرهم
وابعد شيطانك عن قلبك
عيد عليهم وادعيلهم
هم كمان راح يدعولك
ربك كمان هو يصونك
وتحل عليك بركة اهلك
ارجع يا مؤمن لاصولك
ارجع يا مؤمن لاصولك
################
#راوية حسن#