ماتجرحوش قلب داب

ماهر محمود

في سنين ألم
وسنين عذاب
الدنيا ماشية بظهرها.
وإللي باقي منها
تصفيه حساب……
ماتجرحوش قلب داب..
الدنيا سوق فيه العجايب
فيها الخسيس
عامل فيها تايب
والأصيل
مالوش في الحظ نايب
والحب كلمه
ومافيش حبايب
ماتجرحوش قلب داب
في سنين ألم
وسنين عذاب..
دنيا غروره وغرانا.
ايه اللي واخدينه معانا
لامال بينفع ولا بيشفع .
في دنيا ماشيه وفايتانا
ماتجرحوش قلب داب.
لكل ظالم له نهايه.
ونهايته أسوء من البدايه.
ربك كريم مع المظلوم.
وهي دي بدايه النهايه.
ماتجرحوش قلب داب
كلمات ماهر محمود