واه منك

جمعة الجر

آه منك ومنك انتى بالذات…
ياساكنه القلب والننى..
وحسدنى عليكى اكمنى..
عاشق لعنيكى ظالمنى..
تعبت سكات…
ياخوفى العمر يسرقنى..
يشوقنى لبحر هواكى..
أنزل يغرقنى ويسبقنى..
موجك العالى فطوالى..
قلبى يتوه منى..
حنين وأهات…
ياسرقه نومى من عينى..
ياداخله فى تفاصيلى..
ياريت ياعمرى تسامحينى..
دعيت عليكى باللوعه..
ياشايفه دموعى وكمان سامعه..
صراخ القلب والدقات…
حلفتك بالأوليه الغالين..
وسنين العمر اللى عشقاكى..
سنين وسنين..
وقلبى اللى شاب فى هواكى..
وهو جنين..
لتخرجينى من المتاهات…
ياأغلى الناس..
وفى قلبى فين ماتروحى..
معاكى ياعمرى نسيت نفسى..
وتاهت روحى..
ومستنيكى تبلى الريق..
بكلمه وبردو ولا تبوحى..
ياقاسيه القلب..
وفى حنانك ماشوفت اتنين..
وماشى معاكى ومغمض..
ولا مره هقول أنا فين..
دا أنتى بدايه ونهايه..
وألف حكايه وحكايه..
وأشهر من الحكايات…
جمعه الجر