آخر زمن

بقلمي صفيه نصار
_____________
والله ياصاحبي الدنيا ماتستاهل
تنسوا الحبايب كده بالساهل
مفيش حتي كلمة معايده
وكتر الكلام مامنوش فايده
واحسن لك ياقلبي تتجاهل
***************
في ناس كتير متعرفش تحسن العشره
ولو ولعت لهم صوابعك العشره
بتأكل من خيرك ومفيش كتر خيرك
تبيع الدهب وتستبدلك بالقشره
***************
شوفنا منهم كتير وياما
ياما هانشوف
وكام من خاين وكام من ناكر المعروف
الدنيا مالها وليه إتقل خيرها
راحت الأيام إللي كان فيها ناس خيرها لغيرها
و إحنا يوماتي العزاء جماعي ياناس فين الخوف
************
طيب مين فينا اخدت عظه
و الابتلاء والموت ده اكبر موعظه
كلنا واخدنا الكبر والغرور
واللي طالع فيها وعايش في الدور
ومن اقرب ماليك تلاقي الأذي
*****************
والاذى كتير ممكن بكلمه تسم البدن
وممكن نطرة عين تفلق الحجر وتغزل الكفن
يارب سلم ويارب نجينا
بقينا زي السمك بناكل
فبعضينا
شكلها خلصت خلاص وده آخر زمن