انا أصيلة

راوية حسن

$$$$$$$$
انا واحده اصيله وجد الجد
ولاعمرى ماكنت لعبيه
ولايملاش عينى ابدا حد
ولاعشرين حتى ولاميه
لا المايله فى يوم تعجبنى
ولاعمرى فى يوم كنت هفيه
انا اصلى مايقدر عليه حد
ولايفتح عينه فى عنيه
قالوا شريفه قالوا عفيفه
والكل يشاوروا كده عليه
وفى عز أبويه انا اتربيت
وقالولى ونعم التربيه
وعلى الاخلاق مااختلفوا اتنين
بنت اصول انا متربيه
كل اللى شافونى دعوا لابويا
وقالوا عليه عشريه
حفظت العهد واصون الود
مش محتاجه لأى وصيه
واللى يراعينى بس قراط
يجى يوم واديله عنيه
لابخون العهد ولا انسى جميل
ولا بنسى اللى هدانى هديه
لا احب الكدب ولا ازيف
مهما جات الدنيا عليه
وبقول فى رب ده غافر الذنب
وان شاء الله تكون كده مقضيه
وادعى واقول لرب الكون
انت ياربى علم بيه
$$$$$$$$$$$$$$$$$$$$$
$راوية حسن$