ماتزعليش

بقلمي الحاج هلال
…………………
الشهيد فرحان أكيد
بيقول يامه ماتزعليش
في الجنه راح اكون سعيد
وروحي فيكي أموت أعيش
إفرحي ماتحزنيش
المهم افديكي إنتي
واطمئني ماتقلقيش
المهم إنتي عندي
وبالشهاده سعيد أكيد
والتراب بيقول لأرضي
دم شهيد ماتشربيش
دالشهيد عبد المجيد
هوا قالك إنتي عرضي
واحضنيني ماتخفيش
المهم ماتزعليش
والشهيد إبنك سعيد
إنتي بس تشاوري له
بالإيشاره ماتقوليش
هاتلاقيه في ثانيه جه
روحي ليكي ماتساويش
المهم ماتزعليش
و أعلى جنه للشهيد
وكلنا حراس وجيش
شبرا بنها والعريش
وسينا وكل رمله لينا
وابنكره داعش خبيث
المهم ماتزعليش
في الحرير نايم الشهيد
الصهاينه عدو ليكي
عوزين ما تتقدميش
وليل نهار بيكيدوا ليكي
عوزينك مافيش مافيش
وانتي ربنا حاميكي
المهم ماتزعليش
وافرحي يام الشهيد
الروح فيداكي ماتحزنيش
والله معاكي ماينسكيش
واللي يبقى الله معاه
كل الدنيا ماتلزموش
سبحانه ف ارضه وسماه
المهم ماتزعليش
وف الجنة حور للشهيد
روحي فيكي أموت أعيش
والمهم إياكي تبكي
المهم نفديكي إنتي
واطمئني ماتقلقيش
المهم ماتزعليش
وظغرطي على الشهيد
الشهيد فرحان أكيد
……………..
ماتزعليش
بقلمي الحاج هلال
قد تكون صورة ‏‏شخصين‏ و‏نص‏‏