أعظم عيدية

بقلم الشاعرفهمى محمود حجازى
عيدت ع الجدع قبل الصبية
وكنت يابطل أعظم عيدية
حلفت لتصون الوطن
و قدمت روحك في العيد هدية
لجل الرجوله تصرخ جوه صدرك
هموت بطل رغم اللي فيا
كم. طلقة نفدت في الجسد
وقولت أقاوم بالبقية
وكانت الباقية كم نفس
طاهر عطر الأرض الأبيه
اللي شالت فوقها راجل
حلف يشيل المسؤلية
وكتبت فوق الأرض إسمك
مش بحبرك لأ بدمك دي العيدية
صرخت الأم وزعقت
ابني ياروحي يا نور عنيا
كنت حسابك وانت بتقول الوصية
و قومت مفزوعة وصدري
ضاق حرك الأم اللي فيا
كنت حاسه بأول طلقة فيك
قولت يمكن أرتاح شويه
زادت الدقات في قلبي
وكأن الطلقة جيا فيا
روحت صارخة من الآلم
صدري ضاق إيه القضية
وجه الخبر إبني مات
روحت باكية والدموع دبحت عنيا
وروحت صارخة بأعلى صوتي
لأ ما ماتش هو مزفوف ع الحورية
هو دافع مهره روحه
وعشان اليوم ده عيد راح يودلها العيديه
بقلمى فهمى محمود حجازى
قد تكون صورة ‏‏‏٧‏ أشخاص‏ و‏نص‏‏