. ألف رحمه ونور عليكى..

جمعة الجر

ألف رحمه ونور عليكى…
ياللى عمرى امتد بيكى…
داانتى روحك لما فرقت..
سبيتنى روحى وراحة اليكى…
ألف رحمه علينا إحنا..
مش هنتحمل بعادك..
مين اللى هيطيب جراحنا..
فين اللى هيعوض ودادك..
مين اللى هيطبطب فى بعدك..
مين يدادى ومين يراضى..
مين يسامح لو قاسينا..
لو نسينا واتغابينا..
وجرحنا فى يوم شعورك..
مش برضو لمتنا ياغاليه..
كان هو دورك..
مش برضو حضنك كان فرحنا..
كان براحنا كان يساعنا..
لو براح الكون يضيق..
مش هو برضو كان صديق..
كان دعوه حلوه..
تحمينا من شر الطريق..
كان ابتسامه فى قلب عتمه..
تنور الليل الخنيق..
بأختصار…
كل شيء بعدك ياغاليه..
اصبح خراب…
كل اللى كان يزورك وانتى صاحيه..
بعدك انتى عنا غاب…
كل القرايب والحبايب حتى الصحاب…
كنتى مليه البيت علينا..
وبعدك انتى والله ماحد زق علينا باب…
مش كنتى علمتينا يعنى ايه أنك تموت..
يعنى ايه تسبينا فاجأه..
نبكى بعدك وبأعلى صوت..
كنتى فارقى حبه حبه..
او كنتى قولى انك مسافره..
لحد مانتحمل فراقك حتى عافيه..
بصى ياما..
روحى ياما الله يسامحك..
ياللى سبتى فى قلوبنا جرحك..
وأبقى افتكرينا بدعاكى..
وأحنا برضو هندعى أنه..
ربنا ينور فى قبرك…
جمعه الجر
قد تكون صورة مقربة لـ ‏‏شخص واحد‏ و‏حجاب‏‏