أدب
( عواد الليل )
حسن حلمى
ومين قالك
تفارق نجمي من بدرى
ده لسه نهارنا
ما طلعش ولا زي
هيتكرر
يا بدر
وفارق الأحلام
ما تنساني
وريحني
وسيبك يلا من الذكرى
وخلينا
نعيش بكره
وننسى الماضى وامبارح
ده لسه
الورد
يوم طارح
على عوده بيتمختر
بيهدى
العطر ويبخر
بمية ورد يتعطر
ورمش
العين بيتكحل
ونغزه باينه بخدوده
يا محلا
الورد
على عوده
ليوم يتقل ويدلل
ويهدى
الخطوه يتميل
يا سيدي
رق على المشتاق
بلاش
النظره بالأشواق
ويلا نعيش حنين بكره
أنا زي
ما يتكرر
ولو لفيت حدود الأرض
جو و بحر
ما تصادف
حنين الضلع يشتقالك
ولا دقه
لنبضة قلب
تندهلك
ما بين الثانيه والتانيه
ومين قالك
تفارق
نجمي من بدرى
وأنا زي
ما يتكرر
بقلم الشاعر : حسن حلمى
