الجرح مش دم سايل

احمد محمود عوض

الجرح مش دم سايل
تربطه بالشاش
أو غرزتين واتنسى
كأنه فات ومجاش
الجرح وشم بينطبع فى الروح
يفضل لهيب يشتعل
طول ما اللى صابه عاش
ملهش طب أبد
ولا طبيب يداويه
ممكن بيهدا ألالم
لكن محال ينحاش
الجرح ظلم الاحبة
والصحاب والناس
والوحدة فى شدتك
ومرارة الاحساس
والحوجة بعد الغنى
للى بنيت له أساس
والدين على صفحتك
وجايبلك الكراس
وغدر أهل الثقة
لما باعوك ببلاش
أحمد محمود عوض سعيد
الرحامنة/فارسكور/دمياط