أدب
مش هعاتبك
حنان شوقى
أنا مش هعاتبك علي العذاب اللي سببتهولي
انا هسيبك للي يحاسبك واللي هيخلصلي منك
كل جرح تركتهولي….
أنا مش هقولك ليه هجرت القلب اللي حبك…..
أنا بس هبعد عنك يمكن بعدي يريح قلبك ….
بس بكرة هفكرك !!!!
لما أشوف دموع عنيك
وانت جاي مشتاق لليلة من ليالي هوايا
أد إيه قلتلك أستني وأد إيه بكيت عليك
وأنت مش مش داري بالنار اللي جواية
بكرة تندم …
علي كل لحظة حب حلوه تركتها
بكرة تندم علي كل حناني
فاكر بالبعد راح تنسي لياليا كلها
فاكر بالهجر راح تنساني
لا..يا حبيبي
الأيام كفيلة ترجعك ليا تاني
الأيام لوحدها ..مش بأيدك وأيديا
راح ترجع أيام حناني
كلماتي
حنان شوقي اللواء
