Uncategorized
(انا قادر احبك بطريقتك)
محمود المجداوى
أنا قادر أحبك بطريقتك
تاهملى واتحملك
تغيبى واستنى عودتك
تزعلى واتوسلك
تعملى اللى يرضيكى ومش هاسالك
تسكوتى وأكلمك
تنقصى وهكملك
تغلطى وأجملك
جاهز لا تغير
فى خريفك وفالربيع
وقت مابيعى انا بشترى
وقبل انك مريضة
والكذب فى دمك غريزة
وهقبل كمان
إن نفسى ماتكنش معاكى عزيزة
مانتى عارفه إنك روحى
اللى عايش بيها
مأنتى عارفه أنك عنى مش غريبة
بس سمحينى ليا عندك طلب
وماتقوليش طلباتى كتيرة
مانا طول الوقت اللي فات ده
وانا عندك حاجة رخيصة
وانا عارف ان طلبى ده
عندك حاجه تقيلة
ممكن بس تحاسبى نفسك
مره فى حقى
ممكن تحاولى مرة
تحسسينى بقيمة نفسى
عشان تمثيلك فاشل
وادوارك كلها خبيثة
وانا هاحبك بطريقتك
عشان مبقتيش فارقة موجودة والا بعيدة
بقلمى انا
( محمود المجداوى)
( محمود المجداوى)
