Uncategorized

( ما لا تعرفه عن ريكاردو سواريش )

بقلم محمد يوسف

☆ تعود الجميع سواء بصفحتي الشخصية
أو أي جروب للأهلي المصداقية والثقة
والحمد لله غالبا أي رؤية مستقبلية لنا
بتتحقق بشكل كبير علي المدي البعيد
لأننا صادقين مع أنفسنا قبل الأخرين
☆ بخصوص المدير الفني البرتغالي
للأهلي ريكاردو سواريش
بعد مشاهدتي عدد كبير من الفيديوهات
لمباريات عديدة للمدرب ومتابعتي لاغلب
التقارير الخاصة بطرق اللعب والاسلوب وشخصية المدرب متفائل جدا باختياره
شخصيته قوية وبيعرف يحمس اللاعبيين وياخد منهم اقصي استفادة داخل الملعب
☆ طريقة اللعب 4/3/3 وممكن 442
واحيانا 4231 علي حسب المنافس
والطريقة التي تناسب الفريق بتاعه
يعتمد علي الضغط وبناء الهجمة من تحت
يحب اللاعب يكون جاهز جدا بدنيا
بمعني أي لاعب هيدلع
مش هيكون له دور مع المدرب
☆ عمل نتايج ومباريات ممتازة هذا الموسم
فاز على بنفيكا 2/1 تعادل مع بورتو 1/1 وهو مطرود من لاعب فى الدقيقة 2
فاز 1/0 على سبورتينج براجا
حصد 51 نقطة فى موسم تاريخى
ل جيل فيسنتى وصعد النادي لأول مرة
لدوري المؤتمر الأوربب
☆ تم ترشيحه لجائزة أفضل مدرب برتغالى لهذا العام والتى فاز بها سيرخيو كونسيساو مدرب بورتو
☆ يتميز سواريز بأسلوب لعبه الهجومى الرشيق والممتع و ريتم لعب فريقه السريع مدرب ممتاز فى العمل على تطوير اللاعبين و يقال أنه يعمل لعدد ساعات طويلة و يقود بنفسه تدريبات تخصصية مع اللاعبين فى جميع المراكز
☆ تميز اسلوب لعب جيل فيسنتى
تحت قيادة سواريس بمنظومة لعب
هجومية متطورة جدا ضغط عالى تمريرات قصيرة و لعب من لمسة واحدة وتحركات من غير كرة و شكل أداء ممتع جرأة وعدم خوف فى المباريات الكبرى نوعية كرة حديثة و مدرسة برتغالية مختلفة عن المدرسة القديمة
قريبة إلى حد كبير من المدرسة الأسبانية
■ يبقي نقطتين في غاية الأهمية
1️⃣ تحمله الضغوط من الجماهير
لأنه أول مرة يلعب في نادي جماهيري
2️⃣ الطموح الشخصي واستيعابه لفكرة
ان جمهور الاهلي عاوز يكسب كل بطولة
☆ لو استطاع المدرب وهو عنده الادوات
والدافع والرغبة هينجح ويكسر الدنيا
بإذن الله تعالي
☆ رؤيتى الشخصية
سواريش لديه الدافع والرغبة والشغف للنجاح لصالح الأهلي ولصالحه هو شخصيا والأهم الشخصية القوية التى تستطيع
أن تتعامل مع طبيعة اللاعب المصري
كل المؤشرات توحي بأن سواريش مدرب جيد وواضح إن عنده شخصية قوية
وجاي عشان يصنع تاريخ 🔥
☆ أخيرا عجبني جدا تمسك المدرب بالطاقم بتاعه بالكامل حتي مدرب الحراس
إصراره علي إخصائي تأهيل معاه دي تخلي الواحد متفائل جدا إنه قرأ علي الأقل وعنده خلفية عن كم الإصابات العضلية علي الأقل وربما يكون أحد أسبابها سوء التأهيل دا اللي يطمن أوي بس يا رب بس نسيبه يشتغل لإنه مش جاي ومعاه عصا موسي الدنيا مش هتتغير مرة واحدة
بمشيئة الله ريكاردو سواريش
اختيار موفق للنادي الأهلي ✌

مقالات ذات صلة

زر الذهاب إلى الأعلى