(كل قصة ؟؟؟؟؟)

كل قصة.
وليها آخر.
كل حب وله
نهاية.
زي ما بدأناه
بنظرة
كانت نهايته.
مليون حكاية.
قالوا عنا قصص
كتير…….
وكتبوا فينا
شعر وقصايد.
جابوا سيرتنا
في الشوارع
في الزقق
والحواري.
كنا أجمل.
إتنين عشقوا
حبوا حب.
كان فيه وفاء
وود حنان
وعطف….
كان فيها إحساس
ومشاعر شوق
ولهفه أسما
حب حب
بعناية
روح بجسد
واحد المهم
مكانش فيه
أي سوء
وأي نية
أو فيه غاية.
علمنا الحب
للولاد .
وللصبايا.
خدونا قدوة
ليهم……..
إتعلموا منا
كل حاجه
بدون تحريف
أو أي زيف
وبارضوا
منا بدون
وصاية.
النهاردة
لما في حياتنا
إختلفنا عادي
جدا وارد.
فينا الإختلاف
إل أكلناه بغموس
النهارد جايز بكرة
ناكلوا حاف
سبع بقرات سمان
ممكن يبقوا سبعا
عجاف……..
إل كان بيوصف
وبيرسم وبروز
ويحبق ويهندم
كلامه
غير في الكلام
وضاف……..
شمتوا فينا.
بانت الوشوش
اللئيمة
وإتغيرت النية
السليمة.
وإختلفت سعاد
وحليمة
وأصبح الحال
للمحال.
وإنطرحت إجابة
لمية سؤال
كل واحد
قال له قصة
منها إنك كنت
شينه وكنت
مليانه بالعيوب
زي مثلا لسان
طويل سب
لعن غير ذنوب
كل قصه وليها
آخر كل حب
وله نهاية.
بعد ما أخدوني
مثل ليهم
قالوا إني
إنسان فلاتي.
نسوانجي.
زادو وعابوا
غير وشايه
قالوا عني.
كلام كتير.
وسيرتي على
أطراف لسانهم
زي اللبانه
بيمضغوها
بدون علم
عن حياتي
أو دراية
كل قصه وليها
آخر كل حب
وله نهاية.
فيه ناس قاعدة
بس شغلها
الشاغل تحدف
بطوب مرة
تعجب وألف
مره مليان
عيوب.
النهاردة يا سلام
عاجبهم.
وإنك حتة من
ألماس.
وإيديك تنباس
كان ليك
إسم زي
الطبل عنوان ليهم
في كل شارع
كان دعاية.
كل قصة وليها
آخر كل حب
وله نهاية..
2/7/20
(ترنيمات وخواطر.بقلم………)
(شاعر العاميه/خيرى حسنى)
قد تكون صورة ‏‏شخص واحد‏ و‏حجاب‏‏