Uncategorized
(أصل تبقى؟؟؟؟؟؟!)
خيرى حسنى
أصل تبقى
عيبة خالص
لما أحبك وإنت
تكره.
لما أشيلك جوا
قلبي.
لما أحطك في
نن عيني.
لما لما لما
إيه لما تكون
تاج لراسي.
وإنت قاسي.
لما أحفظ لك
جميلك لما أحمد
ربي عليك.
لما أقول للدنيا
إني أملك
قلب ليك.
لما أعشق
طله منك
إستحالة واحدة
تجاريك.
أو بقربك لي
تساويك.
إنت قدرك عالي
جدا أنت فوق
فوق في السما
زي نجمة.
بتضوي عمري
كله وروحي
لو بأنه أو
بآه واحدة من
قلبك. تفتديك.
ما هو لو بس
تكون بتفهم.
أو بتحس بشعوري.
لو الحريم بكفة
عندي وإنت لوحدك
بكفه توزنهم.
وتطب في
قلبي توزن وتزيد
بحفة.
أصل تبقى
عيبه خالص.
لما أكون منك
قريب وإنت بتبعد
بروحك وعقلك
مع إنك إنت
الحبيب وكنت
لي من لحظة
ما شفتك إنك
هاتكون نصيب.
صحيح أنا ممكن
أكون هوائي.
أو مزاجي.
مرة أحس
إني هادي
قلبي فيه فرح
بيضحك وألف
مرة بيكون في
وجع بحس بضيق
في صدري جبل
جاثم عليه.
بأكون فيها عدائي.
ممكن أقول كلمه
ومكنش واعي
أو مدرك هي
إيه تكون نقطة
سودة سحابة
مارقة في
سمائي.
هي حالة إبن
آدم أو ممكن
مرض عضال
أصابني بدون
ما أشعر
وإنت طبيب
قلبي إل بيكتب
روشته لعلاجي
وفيه شفائي.
الحب أصله
بيبدأ بكلمة
وبينتهي بعشق
وهيام نهج
بنمشي عليه
عهد وقسم
بناخده وبنلتزم
وإلتزامنا بيكون
نهائي…….
أصل تبقى
عيبة خالص
10/7/2022
(ترنيمات وخواطر.بقلم………)
(شاعر العاميه/خيرى حسنى)
