Uncategorized
(هاقوم أصلي؟؟؟!)
خيرى حسنى
هاقوم أصلي.
الصبح حاضر.
يمكن ألاقي
كل شيء أصبح
تمام.
وإل كان عقله
شارد عني
رجع له.
ونسي فجأة
الخصام.
يمكن يكون.
ربنا هداه لي.
وإختفى من
قلبه الملام.
أقوم أتصل
بيه طيب
أرن هايسمع
رنتي ولا هايطنش
زي عادته
ولا هايعمل فيها
إعتصام.
قلبه البعيد
لما يحرن.
يلعن أبوه
كل السلام.
الحرب إن قامت
زعابيبها صار
بين الدول
عدم إلتزام
القلوب بعد
ما كانت حبايب
أصبح فيها
إنقسام…..
هاقوم أصلي
الصبح بدري.
وهاحاول أحياله
وأسايره وأضحك
عليه بكلمتين.
هاقول له
إنك حبيبي.
وأختصر كلامي
في جملتين.
هاقول له
إنك تاج
راسي وروحي.
وأعلق على
صدري صورته
وسام مع
إني عارفه
ما بيقتنعش.
حتى لو عملت
أراجوز أو قرد
يتنطط بسلاسل
أو أخترع
له بقصص
وأزوق له
الكلام……
هاقوله يا إبني
إفهم………
يا صاحبي
إفهم يا حبي
وعشقي إفهم
إفهم يا عمري
إفهم يا حياتي
إفهم يا عشرة
العمر الطويله
مش كل شيء
إتهام……..
هاقوم أصلي
الصبح حاضر.
وأرمي حمولي
على الله.
وأصلي على حبيبي
محمد ألف
مرة ويكون
ورد لي يمكن
تتغير سمائي
وتنزاح الغمه
منها وتتبدد
السحابه السوده
ويطير…….
ويرفرف في
أجواءها الحمام
كل شيء جايز
جدا بين طرفة
عين وإنتباهتها
يصبح الكره
لمحبه والعداء
لعشق وهيام…
الله أعلم
بالقلوب ممكن
تتغير في ثواني
وإل مش طايق
يشوفك النهارده
تلاقيه بكره
يخدك في حضنه
ينور ويضوي
بطلته البهيه
حياتك بعد
ماكانت عيشتك
ظلام…….
هاقوم أصلي…..؟!)
15/7/2022
(ترنيمات وخواطر.بقلم……….)
(شاعر العاميه/خيرى حسنى.)
