قلبك أسود
قلبك أسود
بقلم / صبرين محمد الحاوي
بسرعه قدرت تنساني
يابو قلب اسود يأناني
وتقولي حبيت من جديد
وبقالك يعني حبيب تاني
خليتني اندم على حبي ليك
بعد اما كانت روحي فيك
وماكانش لك
في قلبي شريك
دلوقتي حبي واحساسي بيك
هم السبب في أحزاني
ماتستهلش إني اعاتبك
او إني افكر في حبك
واللي كسرني
قسوة قلبك
من بعد ماكنت بتترجاني
إني احبك
وتقول يتعذب من حبك
وارحمني بقي وحنن قلبك
وكانت لعبتك
طب شيل ذنبك
كسر الخواطر
مش بالساهل
انك تتسامح عليه
وكل دا كان ليه
وانا لو هموت عمري مااسمحك
ولاهقدر انسي في يوم جرحك
اللي في قلبي
شيل يللا ذنبي
وماتجيش وماتطلبش السماح
مين قال دا كان ماضي وراااح
بس الزمن بيني وبينك
وانا مش هسامحك وعيني في عينك
حفضل اقول الله يجازيك
ويجبلي حقي من قلبك
دمرت قلبي عشان حبك
ومن النهارده خلاص
لاهكرهك ولاهحبك
حسيب الزمن يكسر قلبك
والأيام لما تغدر بك
حتفتكر مين اللي كان بيحبك
وجنيت عليه بقسوة
قلبك
