مصر
مصر
بقلم / احمد سعيد
مصر مش بس
موقع عبقري في مكان
ولا نيل بيجري
بيفيض على الشطئان
او اسم رائع جميل
سجله القرآن
مصر ضياء البشر
اللي هدى الإنسان
مصر
مش بس سينا
اللي رواها الدم
ولا سكة الآلام
مسرى الرضيع والأم
ولا جبال الطور
فوقها التجلي تم
مصر الأمان
مهد الرسالة الأم
مصر مش بس الهرم
ولا توت عنخ آمون
ولا معابد فيلة
ولا حصن بابليون
ولا مراكب شمس
ولا كسر نابليون
مصر تاج الأمم
و ميزان لكل الكون
مصر اصطفاها الله
بالاسم والمعني
وجعلها نور لهداه
والدنيا تتبعنا
في امان ليوم الدين
ورباط بيجمعنا
يا خير جند الله
الحق سيف معنا
عودك يا مصر العصي
ما يهمه ريح ولا ليل
ولا عزمه يوم بينطفي
ولا عن هداه بيميل
يجري في وريده العفي
روح التاريخ والنيل
حصن الأمان الوفي
دايم لجيل ورا جيل
…
على صخرتك يا مصر
اتكسرت موجات
من عهد مينا واحمس
لانور السادات
خضتي حروب الكرامة
وانتصار الذات
صعبان عليا النهاردة
تشغلك تفاهات
…
ميهمكيش يا مصر
لو زايدوا علي دينك
ده انتي الايمان بالله
بيجري في شرايينك
يا اول التوحيد
يا حاضنة نبيينك
نشرتي روح الدين
وسطية بتزينك
…
يا مصر فيض رحمتك
غمر نواحي الكون
والصدق في محبتك
حضن القريب والدون
ساوت نقاء فطرتك
بين كل شكل ولون
وكنتي ليهم سند
وكنتي ليهم عون
…
يا مصر زرقة سماكي
اتلبدت بغيوم
ووجه مصر المليح
انكسي بهموم
جربتي غدر الصحاب
ولا جحود القوم
ولا وضيع الأمس
اصبح له شان اليوم
…
يصعب عليا كتير
لو مين من اولادك
ضل طريق الهدي
واندار لحسادك
يفتح بيبان الخراب
ويعطلوا زنادك
ويقيدوا خطوتك
عن صنع امجادك
…
يصعب عليا كتير
يطعنك ابنك
ويسلمك لغريم
يمحي تاريخ اسمك
تهدم ايديه امجاد
استهلكت عمرك
ازاي تهوني عليه
محال يكون ابنك
…
اهون عليا الموت
ولا تبقي مكسورة
او تنحني للريح
او تبهت الصورة
تتهز يوم خطوتك
او تبقي محصورة
ده انتي الأساس لو وقع
ما عاد لنا شورى
