Uncategorized

كفايه بقى

كفايه بقى

بقلم صفيه نصار

حبيبي تعالي يلا قوام
اليوم في بعدك سبع تيام
والفكر واخدني بعيد بعيد
وبحلم بيك من غير مابنام

بخيالي بعيش وكأني معاك
وبتنفس انا من عطر هواك
وكل كلام الهوى اتقال وصف فينا
ومهما قالوا وكتبوا علينا مش ممكن يوصفوا إحساسي بيك وقت لقاك

انا حاسه الدنيا بتضحكلي
وبنسى بقربك كل ماشكلي
وبلاقي روحي زي روحك
ومن حبي فيك بشوفك شكلي

وكأني ببص في مرايتي
تفاصيل حياتك اصل وصورة من حكايتي
بتحكي عنك ولاعني
ودي نهاية قصتك ولا دي نقطة بدايتي

نفس الملامح ونفس الدم
الضحكه نقسمها سوى تهون علينا الهم
وتشيل عننا جبال الحزن بكلمه حلوه
طالعه من القلب تحضن وتضم

وكل ده وإحنا في البعد
مشاعر بتوعد بألف وعد
والقرب مش إيد بتلمس ايد
وهي بينها وبين السلام الف سد

القرب بالمشاعر أجمل لقا
وأنا بكل إحساسي متشوقه
لي لحظه عنيا فيها تشوف عينيك
ونقول للحب تعالى وللبعد
كفايه كفايه بقى

مقالات ذات صلة

زر الذهاب إلى الأعلى