Uncategorized

فى رثاء زوجتى رحمها الله

فى رثاء زوجتى رحمها الله

بقلم احمد فؤاد 

 

النهاردة العيد صحيح؟
مافتكرش
عيدها كان لحظة تلاقى
هي فيه
عيدها كان لمة حبايب
برضه عاملة حس ليه
عيدها كان كله اشتياق
عيدها صحبة مش فراق
عيدها مش أكل وموائد
عيدها حب بينا سائد
عيدها كان الباب يخبط
تنتظر كل البنات
تقوم بسرعه بابها تفتح
تكونش هالة او هناء
او هدى ويمكن هدير
لأ دى هند جاية بدرى
مش عادتها
قبل اخواتها البنات
عيدها كان لهفة كبيرة
للحفيد تحضنه كده بالساعات
عيدها كان تكفيها وردة
مش مظاهر وافتخار
عيدها كان ضحكة مابينا
يتحاكوا بيها الجيران
هوه دا العيد اللى كان
نفتكر ايام زمان
النهاردة عيدنا باهت
حتى فى وضح النهار
هاتوا عيد زى اللى فات
هاتوا ضحكة مش آهات
النهاردة العيد دا اسمه
والحقيقة قلوبنا نار
والعيدية فى نظرنا
سيرة حلوة على اللسا
—–
اللهم تقبلها من عبادك الصالحين
اللهم اغسلها بالماء والثلج والبرد
اللهم ابدلها دارا خيرا من دارها واهلا خير من اهلها
اللهم وسع قبرها مد بصرها
اللهم تجاوز عن سيئاتها
وصلى اللهم وسلم وبارك وانعم على سيدنا محمد عليه افضل الصلاه وازكى التسليم

مقالات ذات صلة

زر الذهاب إلى الأعلى