Uncategorized

يلا نزرع

يلا نزرع

الشاعر حاج هلال

 

يلا نزرع ورد تاني
يكبر ويطرح زهور
أصل زرعي الأولاني
كنت زارع أرض بور
يلا نزرع تمر حنه
وأرضى ترجع تاني جنه
فيها قرآن فيها سنه
فيها خير ينفع عيالنا
يلا نكتب في الأغاني
شعر يطرح لحن نور
واللي كان كلام أناني
كله كدب وكله زور
مين ياناس يسمع كلامي
كله حب وكله خير
روح ياطير بلغ سلامي
للنبي بدر البدور
وعالنبي هانصلي تاني
مية صلاه وتكون قليل
صلي ماتكونشي الأناني
صلي صلي عالجليل
لاجل نشرب ف القناني
ميه شهد وزنجبيل
ونحكي في أيام زماني
لما كان زمان جميل
ونرجع نزرع ورد تاني
يكبر ويطرح زهور
هي دي كل الأماني
بعد زرعي الأولاني
إللي كان في أرض بور
يلا نزرع ورد تاني
ونملا كل الأرض نور

مقالات ذات صلة

زر الذهاب إلى الأعلى