صباح الخير – بقلم – سعيد عبد العزيز الحاجه  

صباح الخير

صباح الخير على بلادى
صباح الخير على ولادى
صباح الخير
على جندى فى خط النار 
وشرطى بيحرسنا ليل ونهار
وعامل حالف يخليها عمار
وفلاح بيزرع القمح والأزهار
وفنان بيعزف الأوتار
صبااح الخير على بلادى
ومهندس يبنى لينا جدار
ومدرس يعلم الشطار
وموظف مش من الأشرار
وطبيب بيرحم مش جزار
وتاجر بيخفض الأسعار
وأيادى ترصف وتشق فى الأنهار
صباح الخير على بلادى
و كل واحد بيخاف من الجبار
وفى الأخره من الأخيار
وفى الدنيا يبقى لينا فنار
صباح الخير على بلادى
صباح الخير على ولادى
صباح الخير عليكى يا مصر 

بقلم كابتن |سعيد عبد العزيز الحاجه