أدب
ولسه القلب متعشم
صفيه نصار
شاعرة الجنوب بنت النيل
ام القوافي
______________
ولسه القلب متعشم
في فرحه تهد احزانه
ولسه بيضحك ويتبسم
في وش إللي خانوا
دول طلعوا كدابين
وعلى اصلهم بانوا
************
بقول لقلبي اهدى ودمعتي ع الخد
إنت مش ع البال ولابتوحش اي حد
بتمر السنين ودايب حنين
مين جالك ولا حتى رد سوالك
لسه فاكر في حبايب بجد
************
إنساهم وعيش حياتك لويوم
وخسارة فيهم كتر العتاب واللوم
طاوعني وبلاش معانده
إللي فيك مكفيك ولاناقصك
حاجه ده الهم بالكوم
***********
والله خلاص مفيش فايده
وانت شوقك تملي ناره قايده
الحنيه مش بالشحاته ولاهاتستعطف ناس مشاعرها بارده
**************
إنت حواليك بستان مليان ورود
وإللي شاري ياما ومن غير حدود
بتروح للشوك تجرج ايديك طب ليه
كبريائك فين ولا ملوش وجود
***************
بس النهاردة أنا هعاندك ياقلبي
و كبريائي اقوى من إحساسي بحبي
وان مقدرتش اموت حبك
هخلعك من بين ضلوعي
وهما يتحملوا ذنبي
