أدب
لساكى بعنادك
اجمد جابر سويلم
لساكى بعنادك وسوء الظن جواكى
تصرحينى واصارحك وبرضه بلقاكى
هموم الدنيا شيلاها واحزانها ملازماكى
ويوم ماسمع ضحكتك مع غيرى
وصوت يعلى مالقهقهى دى بارضوا عجباكى
ولما نتقابل تزيدينى عتاب وهم الحزن جواكى
ولما سفرت للغربه بعتى رساله تسالى عنى
رانيا
كفايه جراح وتجريح فى قلب جريح مايتحمل
عريس وجانى من اهلى وهم الدنيا بندهلى
وانا لوحدى شيلاها بقيت اضحك واتجمل
رسالة خوف وبكتبها لقيت الاخ بندهلى
وسبت رسالتى عل المكتب وزاد خوفى من اهلى
يجينى الاب يضربنى ويهنى وبتحمل
وجاى تلومنى وتعاتب ماتعرف ايه جرى الاول
عادل
جنون الحب خلانى اكون اعمى ومتحير
وخايف انك تفوتينى وحبك ليا يتغير
كتبت رساله فى رساله ماجه رد يطمنى
ابات سهران وانا فى فكرى خيال بيقتلنى
ولحظة شك مالحيره والغيره بتصدمنى
بقيت ملهوف على كلمة منك تطمنى
يجينى الليل وانا مخنوق بافكاره يغرقنى
رانيا
هقولك ايه واعدلك ايه وانا حظى مخاصمنى
تجينى الفرحة وتعدى وميت ضحكة وجعانى
شهور بتعدى وانا بحسب لياليها
وكام فاضل على حضورك من الخطوه تعديها
كلمه هقولهالك ومن قلبى هحكيها
مفيش فى الدنيا غير واحد ولو ايدى حطو الحديد فيها
ياقلبى خلاص متزعلشى انا ليك
وغيرك تحرم عليا العيشه لو فرحتى فيها
