أدب
حب زائف
حب زائف
مصطفى عبد النبي
اللى كان بينى وبينك
مفضلش منه غير ذكريات
كلام كتير فصل اللى بينا
مش حنعيده تانى وخد وهات
نكته بايخه وضحكة ماسخه
وغمرة عين وشوية ايفهات
وشوية غيرة وشوية حيرة
وكام صورة فى السيديهات
حتى جواباتك قريتها ورميتها
مع كراكيب من اللى فات
انتى حبك زيف وتمثيل
وانا قلبى اخضر بفيونكات
قلبى اللى حبك وجبته لحدك
خليته مشاعره فى المهملات
فاكره ميعادى هناك فى المعادى
وانا بستنى واعد الساعات
واغفر لعذرك واسامح عوايدك
وعينيكى سارحة فى حد فات
انسى اللى كان ده كان زمان
حبك دفنته …وشبع ممات
وقلبى جلدته ونزلت حرارته
تاب عن حبك وبطل أهات..
