منوعات

بمناسبة تخفيض المساعدات الأمريكية لمصر

بمناسبة تخفيض المساعدات الأمريكية المقدمة لمصر وتأجيل صرف 195 مليون دولار أخرى

الغربية – المحلة – محمد خضر


حبيت اقول كلمتين كده لأمريكا


شوف بقي يا ترامب احنا بفضل الله عندنا اول رئيس يقولوا له كفايا مشاريع
قطعوا عنه البترول اكتشف اكبر حقل غاز قطعوا عنه السياحه وتحويلات المصريين زاد الاحتياطي من 15 الي 36 مليار دولار حاربته المانيا في البدايه وبعدين اعطته محطات كهرباء ب9 مليار دولار اكبر 3 محطات كهرباء بالعالم.

قالوا له شعب مصر فقير فاصطف الشعب امام البنوك واعطوه 64 مليار في 7 ايام حاربته معظم دول العالم واتهموه بانتهاكه لحقوق الانسان.


وبعدين انتخبوه عضو بمجلس الأمن فاكره يا امريكا يا بلد الارهاب ومنبعه
قالوا مصر غير امنه
فسلموه مسئولية لجنة مكافحة الارهاب في العالم تحالفت دول الخليج ضده مع قطر وتركيا
وسرعان ان عادوا اليه ضد قطر وتركيا لانهم يعلموا جيدا إنهــا مصر

بلدنا كانت الكهرباء بتقطع فيها بالساعات دلوقتي عندها فائض 11 الف ميجا وات و هتبتدى تصدر كهرباء للعالم
بلدنا بعد ما كانت اكبر دولة في العالم مريضه بفيروس c
دلوقتي احنا بنعالج العالم كله من الفيروس وعالجنا مليون ونص مصري منه
بلدنا بتزرع مليون ونص فدان ولسه باقي المشروع 5 مليون فدان
علشان يغطي احتياجات البلد وهنصدر كمان

بلدنا الوحيد المستقر في المنطقة كلها
بنمتلك اقوي جيش في المنطقة و ال 10 ع مستوى العالم
بلدنا بتعمل 4 مفاعلات نووية حلم كل مصري
بلدنا بيتعمل فيها 4 انفاق تحت قناة السويس علشان تربط سيناء بباقي مدن مصر
بلدنا بتعمل مدينة متكاملة في صناعة الاثاث علشان نغزوا بيه الاسواق العالمية
بلدنا بتعمل مدينة متكاملة في صناعك الجلود علشان بردوا تغزوا بيها الاسواقالعالمية
بنحارب الفساد وكل يوم لازم علي الاقل فاسد يقع

استثمارات بتروليه كتيره للبحث والتنقيب عن ثروات البلد
وكلها سنتين وهنصدر غاز طبيعي
بنحارب الارهاب في سينا بضربات استباقيه للقضاء علي الارهابيين
وبنحارب داعش في ليبيا 


بلدنا بتبني دوله جديده العاصمة الادارية الجديدة ودي اد مساحة سنغافورة
بلدنا دخلت مجلس الأمن الدولى في اول مره في تاريخها
بلذنا بقت اول اقتصاد في قارة افريقيا لأول مره في تاريخها
بلدنا بقى عندها احتياطي نقدي 36 مليار لأول مره من 2011
واللي كان 32 مليار

بلدنا دخلت شريك مباشر بنسبة 15% في الحقول البتروليه العراقية
بلدنا هي الاقرب من اعمار ليبيا بشهادة حكومتها
بلدنا بتسلح الحيش الليبي بطيران ومدرعات وأوعي تقول انا مالي
بلدنا انهت قصة طوابير العيش والغاز والتعدي على املاك الدولة
بلدنا الان اصبحت لما بتمشي في الشارع ولما بتشوف قوات امن بتطمن
ومبقتش بتخاف من الشرطة زي زمان ده لو انت ماشي سليم

بلدنا بتقضي علي العشوائيات بمجمعات سكنية جديدة ادميه
كل يوم استثمارات اجنبيه وعربية في كل المجالات
بلدنا عملت قناة سويس جديدة اثبتت للعالم ان الشعب واقف في ظهر القائد
وبتثق جدا فيه واللي يقولك بتخسر قوله ماشي وسيبه وامشي
بنسلح الجيش بأحدث منظومات التسليح في العالم رغم ظروفنا الاقتصادية الصعبة
بلدنا بتسعي لحل مشاكل الجوار ليبيا وسوريا والعراق واليمن وغيرهم
واثبتنا للعالم انه لا حلول الا بموافقة الادارة المصرية
بلدنا قضت على التبعية الأمريكية


وبقينا بنحط ادينا مع اللي عاجبنا واللي مش عاجبنا هنديله بضهرها
بلدنا بتاخد رخصة بناء لنشات حربية مقاتلة
بنعمل بنية تحتية جديده وشبكة طرق جديده وكاننا بنبني دولة من جديد

بلدنا بتعمل اكبر مزرعة استزراع سمكي في الشرق الأوسط
وهيتم افتتحها اخر الشهر
⁧⁧ بلدنا تعلن إنشاء مدينة لإنتاج الذهب بمدينة مرسى علم على مساحة مليون مترمربع تشمل ورش ومعارض
بلدنا من خلال البحث العلمي هتزرع القمح مرتين في السنة
يعني ضعف الانتاج بالظبط وهنوفر ٤٥ % من مياه ري القمح
بلدنا افتتحت 100 مستشفى في سنتين ، وشغاله في 150 كمان
بلدنا بتبني 100 مدرسة يابانية في مصر
وبتبني 100 مدرسة زي مدارس النيل، علشان تطور التعليم .
تقارير اجنبيه بأن الاقتصاد هيدخل ضمن افضل ٢٠ اقتصاد بالعالم

بلدنا بتعمل اكبر مصنع مصري في افريقيا لانتاج ألواح الطاقة الشمسية
ارتفاع انتاج منجم السكري بنسبة 16 % ليصل ل ٥٤٠ الف اوقيه في٢٠١٧ بس
بلدنا بتعمل مصانع جديدة وبتسلمها جاهزه للتشغيل مباشرة للشباب.
بلدنا عملت وبتعمل 3200 كم طرق
وبتربط مصر كلها ببعضها بطرق عالمية تضاهي طرق اوروبا
بلدنا بيتعمل فيها مدن جديذة زي الاسماعيلية ودمياط وأسيوط
وبور سعيد والعلمين والعاصمة الجديده ورفح
بلدنا بيتعمل فيها مدن صناعية متكاملة وخير دليل مدينة دمياط للاثاث افتح بيبان الرزق ع الآخر
بلدنا بيتعمل فيها مصانع عربيات وتليفونات وصيانة طيارات وصيانة سفن
بلدنا بيتعمل فيها اكبر رصيف بحري في العالم للخدمات اللوجيستيه في محورالقناة

بلدنا بتعمل كتير واحنا نفسنا منعرفش بتعمل ايه
كل اللي قولته ده ميقلقش أمريكا وغيرها من القوي العظمي مثلا مصر قادمة يا عزيزي .مش كلام لا والله ده واقع بنشوفه وعايشينه ولازم انت يا مصري تكون عارف كله ده فمن الطبيعي أمريكا وغيرها من دول الارهاب هيقفوا لبلدك ويقولك Stop والحجج كتــيـــــــــــر
‏امسحوا المرايات انشروا الايجابيات اغسلوا العقول
لا تستمع لكلام المشككين والخونة وغربان الهدم والخراب
ثق تماما فى قيادة بلدك انها الان تعمل لصالحك بنبنى مصر بجد من اول وجديد عشانك وعشان ولادك
فلازم تتعب حبة عشان تعرف قيمة اللى انت بنيته عشان الخير بدأ وجاى جاى باذن الله
تحيا مصر تحيا مصر تحيا مصر

مقالات ذات صلة

زر الذهاب إلى الأعلى