أدبشعر

طب هو أنا زي الباقيين

طب هو أنا زي الباقيين

سلوى صبح 

 

كان دايمًا بيقولي :

إنتي ف كفة

والناس كلها عندي ف كفة

وقت ما كُنَّا اتنين حبِيبه ومبسوطين..

ولمَّا زِعِل حضرته بجنابُه

قالي أوام صُفي طابور مع الباقيين!!

طب هو أنا زي الباقيين؟

يعني أنا زي الناس كلها ف عينيك !

أنا اللي طول عمري واخده بايديك !

ياما في الحبس صحيح مظاليم..

طب راح أقولك يا بو قلب رحيم

امشي بعيد

أو خليك عندك

إياك تتخطى حدودك 

أنا مش سَندك

اللي يفرط ف واحدة زيي

ويخليها وسط الباقيين

رايحه اسأله وبكلِ جراءة

حضرتك مين؟

مين بالنسبة لي

علشان كل يوم والتاني تزعلني ؟

مين علشان تغلط وتهينِي ؟

كنت الغالي 

وبعدك فاني

روح دور وسط الملايين

على واحده حبيتك أدي !

على راحتك تعبت واتهدت

على قرفك صبرت وعدِت

وآخرتها بقت زي الباقيين..

 

مقالات ذات صلة

زر الذهاب إلى الأعلى