أدب
الحب بيعمل ايه فينا
الحُب بيعمِل إيه فينا؟
سلوى صبح
الحُب بيعمِل إيه فينا ؟
بيحلِّي أيامنا وينور ليالينا..
الحبُ سبيل وطريق مفتوح
لسعادة القلب ونقاء الروح
يدينا عزيمة تخلينا
مهما تعِبنا برده نحاول
نحقق أمانينا ..
الحُب عذابه جميل طبعًا
بنعيشه صحيح بس بنقدر
نتغلب على كل صِعابه
ونحاول نوصل مراسينا ..
كل اللي محبِش قال لينا
ده خيال أوهام جوه عقولكم
ردينا وقولنا – والله حبينا..
لو يوم حبيت
قلبك دق وطبيت
وعلى اللي بتحِبُه جريت
اوعاك تندم على لحظة حُب
إياك تحزن لو دق القلب
إنت اللي حياتك حسيتها
من كل الدنيا وحبيتها
إحنا العُشاقِ اللي غرسنا الحُب
في أرض الدنيا بايدينا ..
لو عشنا برده هنكمل
نفرح ونحِب ونتأمل
الحُب بيعمِل إيه فينا ..
