أيام الحج
أيام الحج
حاج هلال
سيدنا آدم وابنه شيس
نبي لله يدعي وحريص
والتوحيد واضح وأكيد
ونعوذ بالله من إبليس
ويا ذكر النبي إدريس
بعد آدم وبنه شيس
وقبل نوح بنقول بوضوح
نبذة وذكر النبي إدريس
كان خياط جلباب وقميص
بيقص الأقمشة ويقيس
خياط بالإبره وبالخيط
كان نبي مرسل بالتوحيد
وذكر الله والتسبيح
إدريس ربه ذاكره بخير
في مقام عالي جميل ومريح
نرجع وانعود للخليل
أبو الأنبياء وجليل
تنجب هاجر إسماعيل
وجاتله البشرى بعد قليل
زوجته الأولى ستنا ساره
تولد إسحاق نبي وجميل
وإسحاق يبقى أبو يعقوب
ويعقوب إسمه إسرائيل
والأسباط أولاده حداشر
إخوة يوسف وبنيامين
غاروا من يوسف نبي وجميل
وجابوا بالكدب وقالوا دليل
يوسف راحو رموه في البير
وكدبوا وقالوا أكله الديب
ديب مظلوم ونبي معصوم
جابوا الدم بشهد يا قميص
وباعوه عبد بسعر بخيث
مملوك يخدم قصر عزيز
وتجري زليخه وفعل رخيص
والبرهان واشهد يا قميص
يوسف صديق مع مساجين
فسر أحلام حق ويقين
ويطلع يبقى عزيز وكريم
و منصب عالي في مصر زعيم
بأمر الله ويا الإخلاص
ينقذ مصر من الإفلاس
ويدعي اخواته من غير خوف
ويبكي عشان يعقوب مكفوف
و قميص يوسف روح يا قميص
يعقوب يرجع تاني ويشوف
ويدخل مصر آمين وجليل
والأسباط بني إسرائيل
أجداد موسى رسول وكليم
…… ……..
