في حب الحسين

في حب الحسين 

محمد البريمي 

 

أنا طالب الإذن منك .. يا مولانا يا سيدنا الحسين ..

أزور حضرة النبى جدك .. و الكعبه و الحرمين ..

و إنت أحب الناس إليه و و دمعتك غاليه عليه ..

و إحنا عشمنا فيك و فيه .. يشفعلنا يوم الحساب و يكون لينا خير معين و ضنين ..

أنا طالب الإذن منك ..

يا حسين يا شهيد كربلاء .. يلى الدنيا بكت م حزنها عليك ..

ف عز الصيانصرت دين الله و طيرت الحمام .. ألف تحيه و سلام ليك ..
يا أول شهيد مصرعه فك الحزام .. لا همه من غدر سيف ولا همه من سوء الختام ..

حاربت و جاهدت لآخر نفس ف الروح .. و كانت النتيجه عرس ف السما و فرح ف الأرض و جنة تحت رجليك ..

أنا طالب الإذن منك ..

روحك يا حسين هتفضل عايشه فينا .. و إسمك راح نكتبه بدموع عنينا ..

عشان إنت غالى و إبن الغالين .. .. و جدك كمان عزيز و غالى علينا ..

هنعادى كل اللى يعاديكم .. مش هنضعف قدامهم طول م إحنا مؤمنين بالله و بيكم ..

ده الخير اللى إحنا فيه .. بيكم مش بصنع إيدينل ..

أنا طالب الإذن منك ..

أحنا بنحبكم يا آل البيت و حبكم ده فرض وواجب .. و قربنا منكم بيسهلنا كل المصاعب..

و ياما إشتاقت العين لرؤياكم .. و الرمش قبل الحاجب

ده زكراكم بتعطر النفوس .. و على نوائب الدهر بندوس ..
و السرور بيدخل قلوبنا .. و بتخرج منها كل المتاعب ..

أنا طالب الأذن منك ..

كفايه علينا جوار المصطفى و آل البيت .. و إنت يا حسين على هديه إتربيت ..

ونا كان لى الشرف إنى من بحر غلمكم . أكتفيت و إرتويت ..

و إنتوا أساس الطريق .. و أحلى صحبه وقت الضيق ..

لولاكم م كنت أصبحت ولا أمسيت .. ولا كنت مشيت ف طريق الهدى و إهتديت ..

أنا طالب الإذن منك ..