مشيرة موسى تكتب ” الحب بمفهوم العيال “

نصر سلامة — Thu, 22 Aug 2024 03:30:41 +0000

والله مش عايزة احرمكم من حاجة حلوة عجبتنى واستوقفتنى … مجموعة من المتخصصين سألوا سؤال بسيط لأطفال ( بنات واولاد ) سنهم يتراوح بين ٤ و ٨ سنوات … ” يعنى ايه حب ” … الإجابات كانت نابعة من القلب وفيها بصيرة … يعنى العيال طلعت بتاخذ بالها من حاجات كتيييييير … اناعلشان ما اطولش عليكم مش هكتب الأسماء والسن … لكن اكيد هتعرفوا من التفاصيل الصغيرة إجابة الولد من البنت …
– لما جدتى اصيبت بالتهاب المفاصل … مكانتش بتقدر توطى لطلاء اظافر قدميها … جدى كان بيقوم بالمهمة دى … على الرغم من وجع ايديه … ده هو الحب …
– لما حد بيحبك … طريقة نطقه لاسمك بيبقى مختلف … انت كده بتعرف انت فى امان …
– الحب هو لما تروح مكان علشان تاكل وتدى نصيبك من البطاطس المحمرة لشخص من غير ما تطلب منه نصيبه من البطاطس …
– الحب هو ما يجعلك تبتسم حتى وانت تعبان …
– الحب هو لما أمى تعمل قهوة لوالدى وتتذوقه لتتاكد من مذاقها …
– الحب هو هذا الشعور الذى يسود فى المكان … وقت الكريسماس … وتستطيع سماعه حتى لو توقفنا عن فتح الهدايا …
– اذا أردت أن تحب افضل … ابدا بقبول وجود شخص لا تستلطفه …
– الحب هو عندما تقول لشخص ان قميصه يعجبك… فيرتديه كل يوم … –
– فى أثناء عزفى فى مسابقة البيانو … كنت خائفة … ولكن عندما نظرت ووجدت ابى مبتسما ويلوح لى … اختفى الخوف …
– أمى تحبنى اكثر من اى شخص آخر… فهى الشخص الوحيد الذى يقبلني قبل ذهابى النوم …
– الحب هو عندما تعطى أمى احسن قطعة من الفرخة لأبي …
– الحب هو عندما يعود ابي من العمل وهو يتصبب عرقا … ورغم ذلك تراه امي اكثر الرجال وسامة … الحب هو عندما يلعق كلبى وجهى عند عودتى للمنزل … على الرغم انى تركته طول اليوم …
– اعرف ان اختى الأكبر تحبني لأنها تهبنى كل ملابسها القديمة وتخرج لشراء غيرها …
– يجب الا تقول احبك الا اذا كنت جادا … ولكن اذا كنت تعنيها يجب ان تكررها كثيرا لان الناس ينسون …
– واخيرا … رأى طفل صغير جاره … الذى فقد زوجته … وهو يبكى فذهب إليه وجلس فى حضنه … وعندما سألته امه ماذا قلت لجارنا …أجاب لا شىء … لقد ساعدته على البكاء …
انا ما كتبتش كل الإجابات … لكن الإجابات فعلا فيها براءة وعمق واحساس … وتصورت لو سألت عيال العيلة عندنا عن الحب وسنينه هيقولوا ايه … بصراحة ضحكت من قدرة الأخت الكبيرة على اقناع اختها البريئة انها بتضحى لما بتتنازل لها عن ملابسها القديمة وبتنزل تشترى الجديد … اما عن البطاطس المحمرة فأنا بحذركم من محاولة اخذ بطاطساية من طبقى … فيها قطيعة …وطبعا الف هنا لبابا اللى بياكل احلى حتة فراخ … اكيد ماما بتحبه جدااااااااا …

مشيرة موسى تكتب ” الحب بمفهوم العيال “ – الطبعة الأولي

مشيرة موسى تكتب ” الحب بمفهوم العيال “