Uncategorized
( احلا حاجة فيها )
حسن حلمى
احلا حاجة فيها
ابتسامه
بنور عيونها لما كنا
عيال بنحبى
ولا لما كنا
نخبط البيبان
ونجرى
فى وسط سلم نوره مطفى
احلا حاجة فيها
لما كنا
بنبقى
لمة جوه تشط بنستحمى
ولا لقمة حلوه
لما كنا
نتقاسمها فى يوم ما بينا
وكله يجرى يستخبى
احلا حاجه فيها
لما كنا
عيال بنلعب
يوم عريس ويوم عروسه
والقلوب
صافيه و نضيفه
آه و آه زمانا
لما كنا
بكلمة حلوه
ننسى كل حاجه بينا
احلا حاجه فيها
لما كنا
كتير بنضحك وتلاقينا نبقى لمه
لما حد فينا يفرح
بتلاقينا
قوام بنفرح
نحضنه ونبوس خدوده نضم ضلعه
فى وسط زحمه
ولا حضن صافى
دافى
يضم قلبك
وقت حزنك قبل دمعة عين
ما تنزل
والأيدين تبدء
تسلم
تلمسك وتحس انك عمر يوم
ما تكون لوحدك
فيها حاجة حلوه
فيها ضحكة
وفيها لمة
وفيها غنوة
وفيها ناس بالعين تسلم
سلمولي
على الحبايب
كل غايب
أو مغرب
أو يكون ساكن بلادي
سلمولي
على اللى غالى
ونبضه ساكن جوه قلبي
مهما بتعدى الليالي
صدقوني
كتير بحسه
لما يبعد
أو يقرب
أو يكون الحزن ساكن
بين ضلوعه بالليالي
احلا حاجه فيها
ضحكة الغايب
بشوفتي
لما يتأمل بصورتي يقول
وحشنى
بقلم الشاعر : حسن حلمى
