أدب
عدى العمر
عدى العمر
محمد عامر
كبر العمر وإضهر إنحني
بقينا خلاص علي المعاش
لا شغله لينا ولا مشغله
والجلوس دلوقتي ع المصطبه
….
عدى العمر ب أيامه وذكرياته
و الواحد قاعد مستني مماته
أصل الدنيا مهما طالت قصيرة
فستغل قوتك ياولدى فحاجات مفيدة
….
شفت في الدنيا الحلو والشين
وحافظ ياولدى ع الشهم والزين
أما الندل إبعد عنه وحرص
دا لدغته والقبر زى الثعابين
….
ولا تماشي ولاد الحرام
طرقهم كله ياولدي إجرام
ماشي الأصيل وإتعلم منه
وخلي لسانك رطب الكلام
….
و خلي الصدق لك عنوان
ينجيك ياولدي في أي مكان
قول الحق لو علي رقبتك
و أوعي تنسا أبدا إنك إنسان
…
وأوعي الكبر يتملك ياولدي منك
هتعيش مهموم والكبر راح يزلك
التواضع مفيش أحسن منه
ربك يرفع مقامك ياولدي ويحبك