أدب
بني آدميين
بني آدميين
سلوى صبح
في ناس تعاشرهم يوم
تفرِق عِشرتهم معاك سنين
وناس تعاشرهم سنين وسنين
ولا همَّا معاك فارقي !
همَّا فين وإنتَ فين ؟
هُمَّا مين وإنتَ مين؟
لا قدروا يفهموك
ولا كانوا بيقدروك ؟
بس خلينا فاكرين ؟
ومِش ناسيين ..
أد إيه تعبنا معاهم
شقينا وآسينا وياهم
ولا حتى كانوا ملاحظين !
وياما قالوا علينا مجانين
وإحنا العاقلين..
زمن ماشي بالشقلوب
مخلى المحترم معيوب !
بقينا وسطيهم مساكين!
عايشين
بس مش عايشين
كلامنا بنقوله
واحنا ساكتين!
وتقول لمين ؟
دايرين في ساقية
مطحونين !
واللهِ احنا اتخلقنا
بني آدميين بس…
دايخيين ومتغمين
وبرده مش ملاحقين!
حياتنا وسط الخلق
زي الشق في الأرض
مليان وجع
ويبان حزين
ونكون إيه وسط الملايين !