أدب
عالعهد هستناك
عالعهد هستناك
نهى فوزى حمودة
اقول اني هزعل
بس انت تعاقبني
ما انت اللي حالف ما تسبني لحزني
مهما ناديت وقولت هخاصمك
يرد قلبك يقولي ده بعدك
يسوق العند في دلالي عليك
ترد بحنان قلبي ده ليك
تزيد الغلاوة في قلبي لجنابك
وتستني عيوني نظرة عينيك
وقلبي يطير بقرب فؤادك
وترفض خصامي بعظمة حنانك
كأنك وعدني بفرحة وجودك
وإني ما مرة اشكي جنابك
من وقت ما سحرتني عيونك
تاه قلبي بطيف حضورك
فرحت جفوني بلمحة عيونك
عاهدني عالفرح قلبك
وعدني بقربي منك
وانا عالعهد هستناك
وعارفة أن عمرك ما تخلف بوعدك
اتمنى يجمعني العمر بيك
وتدوم سعادتي جنب منك
وإن فاجئني القدر بالغياب
ألقاك يومً بفضل ربي في الجنان