يا بيوت غزة
يا بيوت غزة
حاج هلال
يابيوت ماتردي يا بيوت
ردي علينا بعلو الصوت
قولي بعزة واحكي ياغزة
ليه الصمت طول الوقت
عوزين رد بلاش سكوت
إحكي وقولي بإستمرار
ازاي كان بيوتنا عمار
والسكان كبار وصغار
كل بيت كان بالخير مليان
ردي. ردي علينا يابيوت
واحكي ازاي بيزورنا الموت
كان الليل ويانا سهران
والنهار يطلع فرحان
ليه ساكتين راح نسأل مين
إحكي وردي أنا حيران
كان الخير للناس والطير
والفرحة فى كل مكان
يابيوت ماتردي يا بيوت
واحكي ازاي يدخلكي الموت
من قاتل مجرم مغرور
كان السور فيه عش وطيور
إزاي يبقى العش مهجور
وكان البيت طالل عالغيط
لما تبص تشوف الخير
و تحت الشجرة ضلة وبقرة
جنب الخضرة وماشية المية
و نجوم نورها جاي في الليل
وجه جميل وخيال وخيل
راحت فين ردي يابيوت
طال الليل فينك يا نخيل
وليه تتمايل تبكي. ذليل
شايف إيه مش تبقى بخيل
واللي بيحصل ماله مثيل
شفت الجامع مهدوم واقع
ومٱذن. من فوق. بتميل
والجرار راح هدم. الدار
والعمارات تنزل. واتهيل
يابيوت ردي كتير وقليل
و يا دور إيه فيكي بيدور
إيه مكشوف وإيه مستور
وليه الجار يسكت عالعار
بعد سنين الغربة في نار
ليه عالموت نسكت يابيوت
والرد يبني علينا جدار
ردوا ياناس و بلاش سكوت
الدور كانت فيها النور
والبيت عالي تشطيب غالي
أربعه حجرة والصالة واسعة
بالعمدان وخمس ادوار
ردي علينا وقولي يادور
دور والجامع نفس الشارع
ومأذنه عالية والطول فارع
قولي يا بيوت والعالم سامع
والمسنود ساكت عالواقع
مبسوط قاعد عنده. موانع
وابو حصانه مش. ويانا
ناس عطشانه وخلق. جعانه
ومهما هانعمل ملناش شافع
ردي ردي يابيوت ردي
ليه الصمت وليه لسكوت
ردي بلاش سكوت يابيوت
قولي واحكي كشف العار
واحكي ازاي كان بيتنا عمار
ساكنين فيه كبار وصغار
وكان مليان بالناس يابيوت
ردي علينا بلاش سكوت
قولي ياغزة واحكي بعزة
قولي ازاي بيزورنا الموت