شوف الوكت شلون صار

 د.صالح العطوان الحيالي
الجاهل صار سيد ربعه
والعالم ركنيه بالزوية
الحرامي يلعب بيها لعب
والحر شغلتها يلعب جوبية
الاسد صار مجروح
ونشطت الواوية
وذيابة طلعت
وكثرت الحرامية
والزوري تخيل روحه وصار حوت
والزرزور ظن نفسة صقر برية
والشواهين هاجرت
والعصافير تحوم ليلية
القط غاب
والفار والجرذي
مسوين حفلة ليلية
والاصيلة ساكته
والكديشة تصهل من الصبحية
الملح ماعاد يغزر
يخونك لو ترة تطعمه يومية
دلتنة ما بيها كهوة خير
وكمنه اندير خمر والبيرة غربية