أدب
ذي غاب عني
ابوحمزة نشير
ذي غاب عني هو سبب دمع عيني
ماعـــاد شفته او سمـــعت اتصـاله
قـــد زاد شـــوقي له وزايد حنيني
لـــكن اســـف ماكنت خـــاطر بباله
ابكـــي وانوح واقـول ليته يجيني
ليـــته يجيني او يجـــيني خـــياله
يسمـــع لآهـــاتي ويســـمع انيــني
ويشـــوف قلـبي والفؤاد ماجرا له
اشـــرح له اللي صار ياقــوم فيني
واشوف واعــرف ماسبب إنشغاله
يـادنيتـــي للـــحـزن لاتـتـــركيـنـي
تعبت مــن كـــذب الهوى واحتياله
ياليـــت انـــا يـادنــيتي تســعفيني
فالجرح ذي فالقلب صعب احتماله
مـــن بايطـــفي نار بتشـــب فـيني
فالقلـــب نار الشـــوق زاد اشتـعاله
انا الذي قال يالشـــموس احرقيني
وســـوي بجسـمي له غمايم ظلاله
بعـــد الفــراق ذي صار بينه وبيني
اصـــبحت انا مجنون خارج مجاله
اتخـــيله يانـــاس واقـــف يــميني
واتخيـــل اني كـــنت واقف شماله
بالامـــس يشغـــلني بكــثر الرنيني
واليـــوم لاعـــاد اتصــال او رساله
باقـــول لـه لاهـــو يبانـــي يجيني
يبـــقا حلالن لـــي وانا ابــقا حلاله
وانه خـــلاص اليــوم ماعاد يبيني
كلن يشـــوف دربه ويمـضي لحاله
باتركه وانســـاه مثلــما هو نسيني
واعـــمل لحـــبه مـــن فؤادي ازاله
كلمات الشاعر // ابو حمزة ماجد نشير