أدب
سؤال ملوش جواب
صفية نصار
______________
حبيبي تعالي نعاود الرحلة
الحياة قصيره والله مامستاهله
اوعى تفتكر البعد عني
حاجة سهلة
**************
لا ياروحي مقدرش ي انا
تعيش هناك وانا بموت هنا
وم العذاب قلبي داب
والهجر ده يومه بألف سنة
************
واجيب لك انا عمر منين
يكفي ليالي البعد و هجرك سنين
قولي قلب مين يقدر يتحمل الشوق
وانا كل اهاتي بتنطق حنين واه م الحنين
**************
حبيبي شوفلي قلب غير قلبي
الذنب ده ذنبك مش ذنبي
وكفاية عليا من مر الصبر خلاص فاض بيا وغلب غلبي
*****************
ورغم كل ده لابتعب ولابمل
ولاعمر حبي ليك بينقص ولابيقل
بس اخرة حبنا ده ايه سوال
مالوش جواب
ولا باين له حل