مِطَّمِّنه
مِطَّمِّنه
بقلم / سوزان محمد
مِطَّمِّنه
ببساطه ليه مطمنه
علشان لقيت
كل الحاجات
الحلوه
فيه متخزنه
علشان حبيبى
حبُّه فاق
كل الحدود الممكنه
علشان أنا
بصدقى و براءتى
رآنى طفله صغننه !!!
و شعوره ده
خَلَّانى اكون
من قلبه أنا متمكنه
مطمنه
علشان حبيبى ان حس يوم
فيَّا الوجع
بيكون لى أم حنَيِّنه !!!
علشان معاه
و معاه و بس
نسيت حياتى المحزنه
إحساسى إنه عايش لى بس
خَلَّانى فعلاً مدمنه !!!
مطمنه
علشان مُناه
كل المُنَى
أفراحى تِملا الأمكنه
علشان معاه
لو حتى يوم
يِلقانى فيه مِتعكننه
بياخدنى على بر الأمان
بطريقه جداً آمِنه
علشان ذكاء الاحتواء
أصبحت بيه
أنا مؤمنه
مطمنه
علشان طبيعى أوى وْ بسيط
من غير
طريقه مُعينه
و لا عُمره ذَوَّق فِ الكلام
لكنه ذووووق
حتى الخصام
بيكون عِتابُه دندنه
و ان غار علَيَّا يقول سلام
و عليه سلام
خَلَّانى بيه مِتجننه !
مطمنه
علشان
عِشِقنى بجد عِشق
هَتِحكِى عنه الأزمِنه
مطمنه
ببساطه ليه مطمنه
علشان باحِس انه فْ حياتى
هديه جات من ربنا
