أدب
تحفة إزاز
تحـفـــة إزاز
يسرا صقر
إتوجــعى … وإتـألـمى
ويكـون فـبـالك … ما تحزنيـــش
والآه حوشـيـها … مابين ضلوعــك
دارى دموعـــك ….
وإن حد سـألك … قـولى مفـيش
عايزة ف مرة … تحلـمى
إحلمى … لكن بشـويـش
جـُـوه البــــرواز …
خليـكى عايشـة …
كـ تـُحـفـة حلـوة مـن إزاز
خليكى عاقلة … وإفــهمـى
ما تدوريــــش
على الشـقـى … بكل طـيـش
بإيديـكى ياللا … إتكــمـمى
دارى عـيـونـك … ورا ألف شيـــش
مـا تفـتحيـــش …
للدنـيـا دراعـاتـك كـِده
خلى العيون … متقـفـــلة
إوعـى ف مـرة تفـتـحى
وتبــقى حـُــــرة … ف تتـعـــمى