أدب
شفت الصبيه
شفت الصبية
ملك الأصفر
شفت الصبية مزينة وبشالها الآخضر
متل الأميرة معطرة بالمسك والعنبر
وعجبينها تاج القصب يضوي دهب أصفر
وعخدودها شفت الورد صار الورد أحمر
والشام يا شام الهنا إنت الدني إنت المنى
لعيونك بيضوي السنا يا شمس عم تكبر
………..
شفت الصبية مزينة بالفل واليسمين
شفت الأمل شفت الفرح بعيونها الحلوين
والناس حولا تجمعت أعداد بالملايين
قلتلها يا حلوتي بالحسن متلك مين
والشام يا شام المجد إنت الأمل إنت الوعد
والناس بعدا عالعهد عالحب متفقين
…….
شفت الصبية والقمر بجمالها مفتون
لفتت نظر كل البشر وتبسمت لعيون
بجمالها الكل انبهر غنى لها الحسون
من سحرها ضحك القلم سطر شعر موزون
والشام يا شام الفرح فيكي المحبة والمرح
والخير بالأرض انطرح يا جوهرة هالكون
…..