الغربة
الغربة
خيري حسني
الغربة
تسمح لي.
سيادتك..
عشان أكتب فيها
مش هاقدر أوصف
أوجاعها.
ولا هاقدر أقول
أنا أيه فيها
غير حبة كراكيب.
جوا في عقلي.
وتفكير بيشتت
أفكاري وذكريات
في حياتي
بودعها…
حبة تجاعيد
مليا الوش
وآلام في قلبي
غير جراحها.
الغربة.
يعني الوحده.
يعني الشوق
يعني حنين
لتراب بلدك.
يعني شجون.
وحب مدفون.
جواك.
وشعور وإحساس
ووجدان
ودموع في العين.
تنزل تكوي.
متلاقيش إيد
تمسحها.
الغربة.
يعني تكون موجود.
عايش بلاروح.
بلاوطن ولا أهل.
ولا متوى ولا مأوى
ولا رفقه.
ولا كلمة حلوة
في حياتك لو مرة
في عمرك
تسمعها.
الغربة.
عايش على الهامش.
لا إسم ولا جسم
ولا مطرح ولاقيمه.
غير حبة ملاليم
بتجمعها.
الغربة..
إبنك ولا بنتك ربيتهم.
ولا تعرف شيء
عن حياتهم.
كبيرك رنة تليفون.
ولسوء حظك.
والدنيا حظوظ
النت يسوء
فيقطعها.
الغربة..
حياة مرت تجري.
قطر سريع.
على قضبانه
مر عليك
زي الريح
يدوي الحب
طبعا في حياتك
نسيته وهمومك.
تقل جبال على
راسك.
ومين في حياتك
يشعر بيك ويحس
بإحساسك وبوجدانك.
وشجون غير
كابوس في حلمك
في نص الليل
يفجعها.
الغربة……
ترنيمات وخواطر